Бұл туралы Caravan.kz медиа порталы Stan.kz ақпарат агенттігіне сілтеме жасап хабарлайды.
“Қалыңмалымды қанша миллион дейін? Консерватория бітірдім, магистратура оқыдым, қос-қос қызыл дипломым бар. Түсірген бейнебаяндарым мен әндерім бар. Апа, қалыңмалымды қанша дейін?” – деген әнші тыңдарман арасынан 2 миллион деген жауап естіді. Әншінің сөзінен 2 миллионды азсынғанын байқауға болады.
“2-ақ миллион ба? 20 миллион деді мында. Қалыңмалым 20 миллион, триллион”, – деп әзілдеді әнші. Әңгімені қалжыңға айналдырған өнер иесі қалыңмалды керек етпейтінін айтты.
“Жақсы, қазақтың иманды жігіті болса болды, тегін бара беремін. Қалыңмал керек емес”, – дейді Дана Кентай.
Өнер жұлдызының қарапайымдылығы көпшілікті сүйсінті.
“Жарайсың, Дана”, “Биылдан қалмай ұзатылуыңды, өзің сияқты қарапайым жігіт кезігуін тілеймін”, “Дана десем данасың ғой”, “Қарапайым жансыз”, “Бағың ашылсын”, – деп ақжарма тілектерін арнады желі қолданушылары.
