Жарияланды: 200

Қарағанды облысында жол апатынан он адам жарақаттанып, біреуі қаза тапты

Қарағанды облысында жол апатынан он адам жарақаттанып, біреуі қаза тапты

3 көлікте болған 10 жолаушы әртүрлі дене жарақаттарымен медициналық мекемеге жеткізілді.

Қарағанды облысының Алматы-Екатеринбург тасжолы аумағында үш көлік жол апатына ұшырап, бір адам қаза тапты, деп хабарлайды Baq.kz.

«11-ші ақпан күні сағат 21.00 шамасында 33 жастағы «Мерседес Бенц» автокөлігінің жүргізушісі Балқаш қаласына қарай бара жатқан жолда қарсы бағыттағы жолға шығып кетіп, 34 жастағы жүргізушінің басқаруындағы «БМВ» автокөлігімен соқтығысқан. Осыдан кейін артта келе жатқан «Ниссан» автокөлігі екі көліктің біріне соғылған. Салдарынан «БМВ» автокөлігінің 37 жастағы жолаушысы оқиға орнында қаза тапты. 3 көлікте болған 10 жолаушы әртүрлі дене жарақаттарымен медициналық мекемеге жеткізілді. Жол апатына қатысты Қазақстан Республикасы Қылмыстық кодексінің 345 бабы 3 тармағына сәйкес сотқа дейінгі тергеу амалдары басталды. Тиісті сараптамалар тағайындалды», - дейді Қарағанды облыстық ІІД баспасөз қызметінің жетекшісі Бақытжан Құдияров.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть