Қарағандылық полицейлер соғыс ардагерлерін ерекше құттықтады

Кеңес заманының зор тұлғалары жеңіс шеруін қабылдаған тұста фашистердің туы аяққа тапталып жатыр. Ал әскерді ақбоз атқа мінген әйгілі маршал Жуков бастап келеді. Ленинградтық өрендерін Жамбыл жырласа, Бауыржан Момышұлы отты жылдардан естелік айтып тұр. Қарағандылық полицейлер бір топ ардагерлерге осындай тосын сый дайындаған екен. Оны көрген қариялар өткен күндерін бір сәт еске түсіріп, көздеріне жас алысты.