Төтенше жағдайлар департаментінің баспасөз қызметі өкілінің айтуынша, 20 тамызда Қаскелең батыр көшесіндегі пәтерлердің бірінде өрт шыққан. Хабарлама сағат 17.45-те келіп түскен. Алғашқы өртсөндіру тобы 10 минуттан кейін жеткен, ақпарат бойынша, бесінші қабаттағы пәтерде жиһаз бен үй заттары жанып жатқан.
"Пәтер иесі бірден Қаскелең ауданының орталық ауруханасына жансақтау бөліміне улану белгілерімен жеткізілді. Өкінішке қарай, ол есін жимастан қайтыс болды. Өрттің шығу себебі анықталып жатыр, оқиға болған жерде өрт зертханасы жұмыс істейді", — деді ведомствоның баспасөз қызметі өкілі.
Өрт сағат 18.27-де оқшауланып, бес минуттан кейін жойылды. ТЖД қызметкерлері 20 адамды эвакуациялап, төрт адамды құтқарды. Елу тұрғын өз бетінше пәтерлерінен шықты.
Құтқару жұмыстары кезінде №7 өрт сөндіру бөлімінің қарауыл басшысы азаматтық қорғау капитаны Бәйтереков пен осы бөлімнің өртсөндірушісі Нүсіпбеков ерекше көзге түсті.
