Сессияны ашқан Президент өткен шақырылымның депутаттарына алғыс айтып, алда зор міндеттер күтіп тұрғанын тілге тиек етті, деп хабарлады Caravan.kz медиа порталы 24,kz-ке сілтеме жасап.
«Өткен шақырылымның депутаттарына ойдағыдай қызмет атқарғаны үшін ризашылығымды білдіремін. Бес жылға жуық уақытта Парламент қабырғасында 410 заң қабылданды. Депутаттар өздерінің заңға бастамашылық ету құқығын пайдаланып, 60-қа жуық заң жобасын дайындады. Қазақстан Президенті: Жаңа депутаттар алдыңғы әріптестерінің осы қарқынын сақтай отырып, анағұрлым жемісті жұмыс істеуі қажет. Себебі, бәрімізді зор міндеттер мен ауқымды істер күтіп тұр», – деді Қ.Тоқаев.