Бұдан бұрын хабарлағанымыздай, шығысқазақстандық Мұхит Тұрсынов сайыс жеңімпазы атанған болатын. Ақтық сайыста ол қарағандылық Асыл Бәрменовтен басым түсті. Ол оған дейін 2012 жылғы «Қазақстан Барысы» Бейбіт Ыстыбаевтың жарыстан шығып қалуына мұрындық болған еді.
Ал 2013 жылғы «барыс» Айбек Нұғымаров та қызылордалық Руслан Әбдіразақовтан жеңіліп қалды. Жарыс қорытындысы бойынша Р.Әбдіразақов үшінші орынды иеленді.
Елордадағы «Сарыарқа» спорт кешенінде өткен сайыс көпшілік көрермен көңілінен шықты. Дүбірлі доданың ең қызықты сәттерінен көріністерді ұсынамыз.
