Қазақстан мен Ұлыбритания арасында 40 жобаны жүзеге асыру келісіміне қол жеткізілді

Бұл туралы ҚР Президенті Нұрсұлтан Назарбаев журналистермен өткен сұхбат барысында мәлімдеді, деп хабарлайды «ҚазАқпарат» тілшісі.

«40-тан аса жобаға қол қойылды, бұл жобалар әлі де жұмыс жасауды қажет етеді», - деді Нұрсұлтан Назарбаев.

Мемлекет басшысы аталған жобалар энергетика, мұнай-газ саласы, сондай-ақ медицина препараттары мен ауыл шаруашылығы зауыттарының құрылысына қатысты екенін нақтылады.