«Непалда іздеу салынған барлық 17 Қазақстан азаматымен байланыс орнатылды, бәрі орнында», — деп бүгін Twitter парақшасына Қазақстан СІМ өкілі Алтай Әбибуллаев мәлімдеді.
Оның айтуынша, отандастар әуежай ашылған жағдайда эвакуацияланады.
Сенбі күні Непал астанасы маңында магнитудасы 7,9 құрайтын жер сілкінісі болды. Зілзала салдарынан 4350 астам адам қайтыс болып, 8 мыңнан астам адам жарақат алды.