«Ахуалға мемлекеттің әлі келеді, бұл нарыққа үкіметтің араласуы арқылы жеке тлғалардың зардап шегуіне жол бермейміз. Осындай жағдайда қандай әрекет жасау керек екендігі жөнінде түсінігіміз бар», — деді премьер-министр.
Сонымен бірге үкімет басшысы «барлық құрылыс компанияларына бірдей көмектесе беру — асыра сілтеушілік болады», деп атап көрсетті. Кәрім Мәсімовтың пайымдауынша, үкіметтің қолдауынан үмітті құрылыс компаниялары ҚР Индустрия және сауда министрлігімен өзара түсіністік туралы меморандумға қол қоюға тиіс.
«Біз осындай компаниялардың іс-қызметін бақылау тетіктерін анықтауымыз қажет», — деді үкімет басшысы. «Халықтың депозиттерімен жұмыс істейтін банктердің іс-қызметін реттеген секілді, заңға үлес иелерінің қаржысымен жұмыс істейтін компанияларды реттеуге мүмкіндік беретін өзгерістер енгізу жөніндегі жоба дайындауды тапсырамын», — деді Кәрім Мәсімов .
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті