Жарияланды: 20

Қазақстанда бензин өндірісі 11,7% артты

Қазақстанда бензин өндірісі 11,7% артты

Қазақстанда 2018 жылдың қаңтар-маусым айларында бензин өндірісі 1761,9 мың тоннаға жетті. 2017 жылдың сәйкес кезеңімен салыстырғанда бұл көрсеткіш 11,7 пайызға көп.

Бұл туралы ҚазАқпарат тілшісі ҚР ҰЭМ Статистика комитетіне сілтеме жасап хабарлайды. 

Есептік кезеңде Қазақстанда 121,8 мың тонна керосин өндірілген. Нақтырақ айтқанда, бұл көрсеткіш өткен жылдың қаңтар-маусым айларына қарағанда 9,4 пайызға артық. Сонымен бірге, 1247,4 мың тонна (+6,6 пайыз) төмендетілген пропан мен бутан, 2224,3 мың тонна (-0,9 пайыз) газойль, 1505,9 мың тонна мазут (-2,5 пайыз) шығарылған.

Бұдан бөлек, 1014 мың тонна (+4,5 пайыз) ферроқорытпа, 1461 мың тонна (+6 пайыз) тегіс прокат, 75,9 мың тонна (+3,2 пайыз) тазартылған қорғасын, 164,5 мың тонна (+1,2 пайыз) мырыш, 199,5 мың тонна (-5,7 пайыз) тазартылған мыс өндірілген.

 

Пікір қалдырыңыз

Пікір қалдыру тіркелген пайдаланушылар ғана мүмкін