Жарияланды: 710

Қазақстанда біртұтас кәсіподақ ұйымы құрылады

Қазақстанда біртұтас кәсіподақ ұйымы құрылады. Бүгін, 24-шілдеде жаңа кәсіподақ ұйымын құру жөніндегі ұйымдастыру комитетінің алғашқы жиналысы өтеді. Бұл туралы KZ-today тілшісіне ҚР біртұтас кәсіподақ ұйымы ұйымдастыру комитетінің

баспасөз қызметінен хабарлады. Баспасөз қызметінің ақпаратына сәйкес, ҚР біртұтас кәсіподақ ұйымының төрағасына мәжіліс депутаты Серік Әбдірахмановты тағайындау туралы ұсыныс түскен көрінеді. Бүгінде елімізде Қазақстан кәсіподақ ұйымдарының Федерациясы, тәуелсіз кәсіподақ ұйымдарының конфедерациясы, Ұлттық кәсіподақ орталығы тәрізді үш кәсіподақ ұйымына салалық 8 кәсіподақ ұйымы біріккен. Ал төртінші кәсіподақ ұйымы конфедеративтік негізде құрылғандықтан болашақта басқалары да оған бірігеді дегенге ұйымдастырушылар сенім білдіруде.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть