Жарияланды: 650

Қазақстанда сыбайлас жемқорлықпен күрес жөніндегі іс-әрекеттердің жалпыұлттық жоспары қабылданады - Назарбаев

Астана. 6 қараша. "Қазақстан Бүгін" - Қазақстанда сыбайлас жемқорлықпен күрес жөніндегі іс-әрекеттердің жалпыұлттық жоспары қабылданады. Бұл туралы бүгін Астанада Қазақстан президенті Нұрсұлтан Назарбаев сыбайлас жемқорлыққа қарсы форумның отырысында мәлім етті, деп хабарлайды агенттік тілшісі.

"Бүгін мен Қазақстанда сыбайлас жемқорлықпен күрес жөніндегі іс-әрекеттердің жалпыұлттық жоспары қабылданатынын мәлімдеймін",- деді Нұрсұлтан Назарбаев. Оның айтуынша, жалпы алғанда Қазақстанның сыбайлас жемқорлыққа қарсы заңнамасы ТМД аясындағы әріптестер үшін модельдік заңнамаға айналды. "Нұр Отан" партиясы жүргізіп отырған ауқымды жұмыстарды атап өтпей кете алмаймын", -деді президент. Сыбайлас жемқорлықпен күрес стратегиясын жүзеге асырудың бір маңызды құралы - президенттің жанындағы сыбайлас жемқорлықпен күрес мәселелері жөніндегі комиссия болмақ. "Ал аймақтық деңгейде сыбайлас жемқорлыққа қарсы күресті ҚР Мемлекеттік қызмет істері жөніндегі агенттіктің жанындағы облыстық тәртіптік кеңестер жүргізуге міндетті", - деді Н. Назарбаев. Алайда, мемлекет басшысының атап өткеніндей, "сыбайлас жемқорлыққа қарсы жүйе толыққанды әрі жоғары деңгейде тиімді жұмыс істеп жатыр деп айтуға әзір келмейді. Сыбайлас жемқорлық қылмыстарының статистикасы өсе түсуде", -деді президент. "Мұндай жағдаймен біз мүлдем келісе алмаймыз. Жемқорлық мемлекеттің дамуын, оның экономикалық өсімі мен саяси тұрақтылығын тежеп отыр. Біз онымен аяусыз күрес жүргізетін боламыз", - деді Н. Назарбаев. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін