Қазақстанды Дүниежүзілік сауда ұйымына мүшелікке қабылдату жөніндегі негізгі шаралар кешені 2006-жылдың алғашқы жартысында аяқталады - үкімет басшысы

«Республика заңнамасын халықаралық құқықтық актілермен үйлестіру ісін жалғастыру үшін қолданыстағы 31 заңға өзгерістер енгізілмек. Сонымен бірге жаңадан 5 заңнамалық актінің жобасы дайындалуда»,- деді Д.Ахметов.

Сонымен бірге үкімет басшысының айтуынша, ағымдағы жылы Қазақстандағы тауар және қызмет нарығына шығу жөнінде Пәкістен, Түркия, Қытай және Оңтүстік Кореямен арадағы екі жақты келіссөздердің аяқталғаны туралы хаттамаларға қол қойылды. «Қазір Жапония, Бразилия, Австралия және АҚШ-пен арада жұмыстар жүргізілуде»,- деді үкімет басшысы.