Жарияланды: 30

Қазақстандық боксшы өзбекстандық "Құбыжықты" жеңіп, Азия чемпионатының жүлдесіне ілігіп тұр

Қазақстандық боксшы өзбекстандық "Құбыжықты" жеңіп, Азия чемпионатының жүлдесіне ілігіп тұр

Боксшымыз жартылай финалға өтті.

Қазақстандық боксшы Тұрсынбай Құлахмет Тайланд астанасы Бангкокта болып жатқан бокстан Азия чемпионатының жартылай финалына өтті, - деп хабарлайды Vesti.kz.

75 келіге дейінгі салмақтағы 1/4 финалда Құлахмет өзбекстандық Исраил Мадримовпен жұдырықтасты. Қазақстандық төрешілердің бөлек шешімімен жеңді.

Айта кетейік, Өзбекстан боксшысы кәсіпқой рингте екі жекпе-жек өткізіп, "Құбыжық" лақап атын иеленіп үлгерген.

Осылайша, Құлахмет 2019 жылғы Азия чемпионатының жүлдесіне ілікті. Мұның алдында Закир Сафиулллин (60) де жартылай финалға өткен.

Кешкі сессияда (17:00) тағы екі боксшымыз жұдырықтсады.

69 келі. Асланбек Шымбергенов (Қазақстан) - Бобо-Усмон Батуров (Өбекстан)
+91 келі. Қамшыбек Қоңқабаев (Қазақстан) - Одай Альхивдави (Иордания)

Еске салайық, кеше 2019 жылғы Азия чемпионатының жартылай финалына үш боксшымыз жолдама алды : Теміртас Жүсүпов (49), Санатәлі Төлтаев (64) және Бек Нұрмағанбет (81). Ал Қайрат Ералиев (56) 1/4 финалда жеңілді.

Пікір қалдырыңыз

Пікір қалдыру тіркелген пайдаланушылар ғана мүмкін