Бұл күні адамдар бір-бірімен құшақ айқастырып, төс қағыстырып амандасып, “бір жасың құтты болсын!”, “жылдан есен шығуыңмен” деп құттықтайды.
Этнограф мамандардың айтуынша, 14 наурыз қазақтарда жылдың бастауы ретінде саналған. Ертедегі көшпелі заманда халқымыз күн мен түннің теңесуіне толық бір апта қалған кезде малдарын санап, қыстан аман шыққандарына қуанып, бір-бірімен қуана көрісетін болған. Сосын сәйкесінше Наурызды қарсы алу қамына кіріседі.
Бұл дәстүр көбінесе Атырау, Маңғыстау, Батыс Қазақстан облыстарында сақталып қалған. Ал еліміздің басқа аймақтары бұл мерекені атап өтпейді десе де болады.