Қазақстанның бес облысында күн күрт суытады, кейбір жерлерде ауаның температурасы 25 градусқа дейін төмендейді

7-8 қараша күндері Ақмола, Солтүстік Қазақстан, Павлодар, Қарағанды, Шығыс Қазақстан облыстарында ауа температурасы күрт төмендейді: түнде 13-18 градус аязды, бірқатар аймақтарда 25 градусқа дейін суықты көрсетеді, күндіз сынап бағанасы 5-10 градусқа дейін, бірқатар аймақтарда 15 градусқа дейін төмендейді.

7 қарашада Шығыс Қазақстан облысында жауын-шашын күтіледі, кейбір жерлерде қатты жауын-шашын жауып, көк тайғақ болады, желдің жылдамдығы 15-20 м/с дейін күшейеді, түнде Ақмола, Павлодар облыстарының бірқатар жерлерінде бұрқасындатып, желдің күшеюі ықтимал.

Алматы облысында 7 қараша күні жауын-шашын, күндіз таулы аудандарда қатты жауын-шашын жауып, желдің жылдамдығы 15-20 м/с дейін күшеюі күтіледі.