Жарияланды: 110

Қолтаңбасы жоқ ақша жалған ба? Ұлттық банк жауап берді

Қолтаңбасы жоқ ақша жалған ба? Ұлттық банк жауап берді

Қазақстан Ұлттық банкінің өкілдері мессенджерлерде "күмәнді" 2 мың теңгелік купюралар туралы хабарламалардың мән-жайын айтты.

 

Бұл туралы Сaravan.kz медиа-порталы Tengrinews.kz-ке сілтеме жасап хабарлайды.

Қазақстандықтар 2 мың теңге номиналындағы жалған ақша туралы хабарлама таратып жатыр. Көпшілігі бұл купюраларда Ұлттық банк төрағасының қолтаңбасы жоқ болса, оның жалған ақша екенін айтып жатыр.

Алайда, Ұлттық банк ұлттық валюта - Қазақстан теңгесі банкноттары мен монеталары дизайнының тұжырымдамасына сәйкес Ұлттық банк төрағасының Қазақстан теңгесі банкноттарында қолтаңбасының қойылуы туралы талаптың 2016 жылдан бастап алып тасталғанын еске салды.

"Қазіргі уақытта айналыста Ұлттық банк төрағасының қолтаңбасы қойылған, сол сияқты қолтаңбасы қойылмаған 2012 жылғы үлгідегі номиналы 2000 теңгелік банкноттар бар. Бұл банкноттар заңды төлем құралы болып табылады және төлемнің барлық түрі бойынша қабылдануға міндетті", - деп хабарлады қаржы реттеушісінің баспасөз қызметі.

Пікір қалдырыңыз

Пікір қалдыру тіркелген пайдаланушылар ғана мүмкін