Сапар барысында министр биылғы оқу жылының ахуалы мен жауынгерлік даярлық жоспарын орындау жөніндегі ҚР ҚК Әуе қорғанысы күштері бас қолбасшысының және ҚР ҚК Аэроұтқыр әскерлері қолбасшысының баяндамаларын тыңдады.
Бұдан өзге, Талдықорған гарнизонының кейбір бөлімшелері жауынгерлік әзірліктің жоғары дәрежесіне келтірілді. ҚР Қорғаныс министрі олардың техникалық жабдықталуы мен қамтамасыз етілуін тексерді, сондай-ақ әскери қызметшілердің әлеуметтік-тұрмыстық жағдайларына ерекше назар аударды.
Осы сапар аясында Сәкен Жасұзақов Әуе қорғанысы күштері мен 21751 әскери бөлімнің басшылық құрамымен жұмыс кеңесін өткізіп, онда авиациялық базаның жауынгерлік әзірлігі мен ұшулар қауіпсіздігін қамтамасыз ету жөнінде бірнеше нақты тапсырмалар берді.
