Жарияланды: 640

Қостанай облысында ауылшаруашылығындағы жалпы өнім мөлшері артты

Облыстық ауылшауашылық және азық-түлік департаментінің мәліметтеріне қарағанда 2003-жылдың алғашқы төрт айында Қостанай облысында ауылшаруашылығының жалпы өнімінің мөлшері өткен жылдың осы мерзімімен салыстырғанда 2 процентке артып , 9,4 миллиард теңгені құраған (2002-жылғы баға бойынша). Мұндай өсімге ет өндіру көлемінің 0,1, сүт өндіру көлемінің -1,5 , жұмыртқа өндіру көлемінің 23,5 процентке артуы нәтижесінде қол жеткізілген.

Ең жоғарғы өсім көрсеткіші құс өсіру саласында байқалып отыр. Құстар саны өткен жылмен салыстырғанда 192,7 мың басқа артқан. Осыған сәйкес жұмыртқа өндіру көлемі 21 миллион данаға артты. Сауылған сүт мөлшері 153,6 мың тоннаны құраған. Бұл өткен жылғы осы мерзіммен салыстырғанда 2,2 мың тоннаға артық. Жалпы өндірілген еттің 94,8 проценті мен сүттің 92,7 проценті жеке шаруа қожалықтардың үлесінде. Өнеркәсіптік және жеке шаруа қожалықтарындағы құс етін өндіру көлемі өзара тепе-тең. Облыста асыл тұқымды малшаруашылық субьектісінен 21 саналады. Олардың арасында асыл тұқымды мал зауытынан 7, жасанды тұқымдандыру жөніндегі дистрибутивтік орталықтан 1, асыл тұқымды мал шаруашылығынан 13 тіркелген. Бұл субьектілерде 29,3 мың ірі қара мал, 700 жылқы, 9,7 мың қой, 42,2 мың құс бар.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть