Өкініштісі сол, бүгінде «Емхана – Стационар – Санаторий» деген тізбек бұзылған, ол тізбек бойынша пациентке қызмет көрсетілуі тиіс болатын. Санаторийлік-курорттық емдеудің Қазақстан азаматтарының көпшілігіне қолжетімді бола бермейтіні де белгілі, оның бірнеше себебі бар, мысалы: санаторийлерде қажетті құрал-жабдық, кәсіби мамандар, технологиялар жоқ және тағы сол сияқты.Қазіргі кезде санаторийлердің мемлекеттік қолдауға мұқтаж екенін де мойындау керек.
Қазақстан Республикасы Президенті Іс Басқармасы Медициналық орталығының (бұдан әрі – ҚР ПІБ Медициналық орталығы) қарамағында Президенттік клиника, Алматы қаласындағы Орталық клиникалық аурухана, «Оқжетпес», «Алматы», «Қазақстан» (Ессентуки) санаторийлері, Медициналық технологиялар және ақпараттық жүйелер орталығы, Санитарлық-эпидемиологиялық сараптама орталығы бар, пациенттерді кешенді қалпына келтіріп емдеуде олардың тәжірибелері молжәне сол тәжірибелерімен бүкіл елімізбен бөлісуге дайын.
Осы мақсатта 2019 жылғы 18-19 сәуірде ҚР ПІБ Медициналық орталығы төртінші «Шипажай — 2019» Халықаралық форумын өткізеді , оған отандық санаторийлерден реабилитологтер, Италия, Германия, Чехия, Түркия, Әзербайжан, Грузия, Литва, Ресей елдерінен үздік мамандар, жалпы алғанда 300-ден астам адам қатысады. Қазақстанның санаторийлерін консорциумға біріктіріп, еліміздегі клиникалармен меморандумдарға қол қойылады деп күтілуде.
Щучье-Бурабай курорттық аймағының әлеуеті форумның жеке тақырыбы ретінде қаралады. Экотуризмді дамыту бағытында Switzerland Tourism компаниясының топ-менеджері Федерико Маруго өз тәжірибесімен бөліседі. Туризмнің Швейцариялық кеңсесі мен Бурабай курортының арасында бірлескен құжатқа қол қою дайындығы жүріп жатыр.Журналистер «Оқжетпес» санаторийінің сауықтыру ем-шараларын тестілей алады.
