ҚР Сыртқы істер министрі Азиядағы өзара іс-қимыл және сенім шаралары кеңесінің атқарушы директорымен кездесті

деп хабарлады сыртқы саясат ведомствосының баспасөз қызметінен. Министр, Азиядағы өзара іс-қимыл және сенім шаралары кеңесінің бастамасы лайықты дамып, әлемдік қоғамдастықтың арасында беделге ие болып келе жатқанын, процестің БҰҰ-ның Орталық Азиядағы лаңкестікпен күресу жөніндегі, Ауғанстан жөніндегі жұмыс топтарына, сондай-ақ ЕҚЫҰ-ның превентивті дипломатия және қақтығыстардың алдын алу жөніндегі жұмыс тобына қосылуы осының бірден-бір айғағы екенін атап көрсетті. Кеңестің қазіргі төрағасы - Түркия туралы айтқан Е.Қазыханов, ресми Анкараның Азиядағы өзара іс-қимыл және сенім шаралары кеңесінің үдерісіне көрсетіп отырған қолдауына жоғары баға берді. Қазақстан министрі АӨІСШК атқарушы директорын сондай-ақ, 28-30 маусымда Астанада өтетін Ислам конференциясы ұйымы Сыртқы істер министрлері кеңесі 38-ші сессиясының күн тәртібімен таныстырды.