Жарияланды: 310

Қырғыз парламентінің отырысы президент сайлауына дейін тоқтатылды

Қырғыз парламентінің отырысы президент сайлауына дейін тоқтатылды

Қырғызстан парламенті - Жогорку Кенештің пленарлық отырысы президент сайлауы аяқталғанша, екі аптаға уақытша тоқтатылады. Бұл туралы 28 қыркүйекте парламент спикері Чыныбай Тұрсынбеков мәлімдеді. Ол мұны кворумның жеткіліксіз болуынан деп түсіндірді.

"Тіркеуден бар-жоғы 59 депутат өтті. Бұл кворум жоқ деген сөз. Сондықтан бүгінгі жиналыс аяқталды. Енді біз тек комитеттер мен фракцияларда кездесеміз. Әрі қарай – сайлаудан кейін" деді ол.

Қырғызстан парламентінде барлығы 120 депутат бар. Депутаттар аптасына екі рет заң жобасын талқылап, дауыс беру үшін жалпы отырыс өткізеді.

15 қазанда Қырғызстанда президент сайлауы өтеді. Бірер күн бұрын елдегі "Таза сайлау үшін" қозғалысы парламент депутаттарының сайлауалды кампанияға белсене қатысып, сайлау заңын бұзып отырғанын мәлімдеген.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть