Алатау асып келетін арна суының деңгейін қырғыздар себепсіз үш есеге дейін азайтып тастаған. Соның кесірінен егістік алқаптарына су жетпей, шығынға батудан қауіптенген қордайлық шаруалар кеше шу шығарған болатын. Осыдан кейін шұғыл атқа қонған шенділер Қырғыз билігімен келіссөзге отырған. Айырқалпақты ағайындар суды енді қайта жеткілікті етіп жіберетін болды. Алайда, құдай қосқан көршілеріміз тағы да айнып қалуы ықтимал. Себебі осыдан отыз жылғы келісімге сәйкес Шу өзенінің 42 пайызын Жамбыл облысының жұрты тұтынуы тиіс болса, олар келісімді орындамай су мөлшерін екі есеге азайтқан. Енді оның өзін жырымдап, шаруаларды сергелдеңге салды.