Мамандар дерттің халық арасына кең таралуының негізгі себебі қытайлықтардың Қытай Жаңа жылы мерекесін атап өтуі кезінде ел ішінде жиі қыдырыстауы дейді. Вирусты тасымалдаушылар бұл тұмау түрі бұдан бұрынырақта анықталмаған провинцияларға барып, дертті таратуда.
Ал өткен апта ішінде Қытайда аса қауіпті аурумен 24 адам сырқаттанған болатын. Дегенмен, Дүниежүзілік денсаулық сақтау ұйымының мамандарының айтуынша, аталмыш вирус түрінің адамнан адамға берілу ауқымының да өз шегі бар.
2013 жылдан бері Қытайда құс тұмауынан 52 адам қайтыс болған, тағы 199 адам осы ауруды жұқтырған.