Жарияланды: 420

Қызылорда облысында ауылдық аумақтарды дамыту жөніндегі 2004-2010-жылдарға арналған аймақтық бағдарламаны жүзеге асыруға арнап жыл сайын 10 млрд. теңге бөлу жоспарланды

Қызылорда облысында ауылдық аумақтарды дамыту жөніндегі 2004-2010-жылдарға арналған аймақтық бағдарламаны жүзеге асыруға арнап жыл сайын 10 млрд. теңге бөлу жоспарланып отыр.

Облыстық экономикалық басқармасының бөлім бастығы Мәлік Тұрмановтың KZ-today тілшісіне хабарлауынша, жоба ауылдың инфрақұрылымын дамытуға, ауылды электр жарығымен, газбен және пошталық байланыс қызметімен қамтамасыз етуге, ауылшаруашылығы өнеркәсібі мен әлеуметтік саланы дамытуға арналады. Айталық, жобада 2004-жылға облыстағы ауылдық жерлерді сумен қамтамасыз етуге 105 млн. теңге , жолдарды күтімге алуға 43 млн. теңге, денсаулық сақтау мекемелеріне 145 млн. теңге, экологиялық қауіпсіздікті қамтамасыз етуге 70 млн . теңге қарастырылған. 2003-2005-жылдарда жас мамандарға арнап 1000 тұрғын үй салуға облыстық бюджеттен 50 млн. теңге бөлінбекші. М. Тұрмановтың хабарлауынша, ауылдық аумақтарды дамыту жөніндегі 2004-2010-жылдарға арналған аймақтық бағдарламаның жобасы 2003-жылдың шілде айының ортасында қабылданады.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть