Жарияланды: 70

Қызылордада дөрекілік көрсеткен полиция қызметкерлері жазаланды

Қызылордада дөрекілік көрсеткен полиция қызметкерлері жазаланды

Қызылорда облысы Арал ауданында қызметтік міндетін атқару барысында жолаушыларға дөрекі мінез көрсеткен жергілікті полиция қызметкерлері тиісті жазаға тартылды.

Аталмыш оқиға өткен жылдың желтоқсан айында Қызылорда облысы Арал ауданына қарасты «Арал-шеп» бекетінде болған. Полиция қызметкерлері көлікті негізсіз тоқтатып, жолаушыларға дөрекі мінез көрсеткен. Ол туралы әлеуметтік желіде бейнежазба жарияланды.

Бұл оқиғаға байланысты Қызылорда облыстық полиция департаменті қызметтік тергеу жүргізілгенін хабарлады.

«Болған оқиға бойынша қызметтік тергеу жүргізілді. Нәтижесінде 1 қызметкер атқарып отырған лауазымынан босатылды. Ал тағы 2 қызметкер қызметіне толық сай еместігі анықталып, олар тәртіптік жазаға тартылды», - деп жазылған Қызылорда облыстық полиция департаменті таратқан хабарламада.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть