Қызылордада «Қайсар» футболшылары кезекті жеңісіне жетті

Кеше Қызылордада жергілікті «Қайсар» футбол командасы Қазақстан біріншілігі Премьер-лигасындағы кезекті ойынын Алматының «Қайратымен» өткізіп, 2:0 есебімен жеңіске жетті.

Алаң иелері тарапынан жауапсыз екі допты команданың легионерлері — Перич пен Эдейпо салды. Аса тартысты өтіп, үлкен күшпен келген осы жеңістен кейін Сыр бойының футболшылар ұжымы турнир кестесіндегі жағдайын едәуір түзеп алды. Қазір біріншіліктің екінші кезеңінде 7-12 орындар үшін шайқасып жатқан қайсарлықтар 11 орыннан 9 орынға көтерілді.