Ұлы Жеңістің 70 жылдығына орай «Ардагерлерді ардақтайық» атты арнайы шарасын ұйымдастырды. Бұл туралы облыстық «Ақмешіт-Сырдария» мешітінің баспасөз қызметі хабарлады.
Шара барысында облыстағы Ұлы Отан соғысының ардагерлері мен қалалық әжелер ансамблі арнайы шақырылып, мешітте дастархан жайылып, Құран оқылды.
Ардагерлерге арналған аталмыш арнайы отырысты облыстық «Ақмешіт-Сырдария» мешітінің бас имамы Талғат Омаров ашып, ардагерлерге деген алғысын білдіріп, сый-сияпаттарын ұсынды. Ұлы Жеңісті жақындатып, қан майданда от кешкен ардагерлерге деген шынайы көңілі мен шексіз алғысты жеткізді.