Жарияланды: 70

"Ренжітейін деп айтқан жоқпын": Назарбаев үкіметті мақтады

"Ренжітейін деп айтқан жоқпын": Назарбаев үкіметті мақтады Сурет - Sputnik Қазақстан

Мемлекет басшысы министрлер мен әкімдерге күндіз-түні жұмысты ойлауға кеңес берді

Қазақстан президенті Нұрсұлтан Назарбаев үкімет отырысының соңында министрлер мен әкімдерді мақтап, оларға сенетінін айтты, деп хабарлайды .

Үкіметтің кеңейтілген отырысының соңында министрлер мен әкімдер президенттен мақтау сөз естіді.

"Барлығыңды таңдап отырып тағайындадым: әкімдерді де, сендерді де (министрлерді). Сендер басқа мемлекеттік қызметкерлерді тағайындадыңдар. Сондықтан біздің бір-біріміздің алдымыздағы жауапкершілігіміз бірдей. Мен әрқайсыңды, қандай қабілеттерің, білімдерің мен тәжірибелерің бар, барлығын білемін. Бүгінгі үкімет қандай мақсат болса да, істей алады, қолынан келеді. Бірақ өзін-өзі қамшылап, жұмыс істеткізу керек. Күндіз-түні жұмысты ойлау керек", — деді Назарбаев отырысты қорытындылап. 

Осы орайда мемлекет басшысы қазақтың мақалын келтірді. 

"Айтқанның аузы жаман, жылағанның көзі жаман" деген сөз бар. Мен сендерді ренжітейін деп сұрап отырған жоқпын, сендерге сенгеннен кейін айтып отырмын", — деді Елбасы. 

Назарбаев үкімет пен әкімдерге бірігіп, халықтың табысын көтеріп, әл-ауқатын жақсартуды тапсырды.

"Қай өңірде халықтың тұрмысы, жалақысы өссе, сол аймақ жақсы. Міне, осындай критерий қою керек. Ол үшін стратегиялық мемлекеттік бағдарламалар, әсіресе, Ұлт жоспары, жолдаулар мен басқа да міндеттердің  сапалы әрі тиімді орындалуы үкіметтің басты міндеті болуы тиіс. Білімдерің де, жігерлерің де, бағдар да бар, оны орындайтын ресурстар да бар", — деп түйіндеді сөзін президент.

Пікір қалдырыңыз

Пікір қалдыру тіркелген пайдаланушылар ғана мүмкін