Жарияланды: 480

Ресейдің Астрахан қаласында Бөкей хан кесенесі салынуда

Ресейдің Астрахан облысында Бөкей ханның жаңа кесенесінің құрылысы басталды.

Бөкей ханның есімі қазақтың тарихына Еділ мен Жайық арасындағы қазақтардың басын біріктірген Ішкі Орданың негізін қалаушы ретінде енген. Астрахандық «Сейіт баба-Бөкей хан» қоғамдық қорының жетекшісі Елена Қамзенованың айтуынша, кесене құрылысы Қазақстанның өңірлерінен және Астраханнан жиналған қаражатқа салынуда. Бетоннан басқа барлық құрылыс материалдары Атыраудан жеткізілуде. Кесенені жандандыру жөніндегі бастамашыл топтың хабарлауынша, нысанның іргесінен бастап, күмбезіне дейінгі биіктігі 18,5 метрді құрайтын болады. Кесененің құрылысын алдағы қыркүйек-қазан айларында аяқтау жоспарлануда.

Пікір қалдырыңыз

Пікір қалдыру тіркелген пайдаланушылар ғана мүмкін