Роскосмос адамды Айға ұшыру жобасының уақытын кейінге шегерді
|
Роскосмос бюджеттік қаражатты үнемдеу үшін адамды Айға ұшыру жобасын іске асыру уақытын кейінге шегеруге мәжбүр болды, деп хабарлайды РБК. |
Бастапқыда адамды Айға қондыру 2030 жылға жоспарланған болатын. Мерзімді өзгертуге Айға ұшу-қону кешенін (АҰҚК) жасау жүргізіліп отырған ПБКК-2 (перспективалы басқарылатын көлік кешені) тәжірибелік-конструкторлық жұмыстың айтарлықтай төмендеуі себеп болған.
««ПБКК-2» тәжірибелік-конструкторлық жұмысын қаржыландыру шамамен екі есе төмендетілген, бұл АҰҚК құрылудың кешігуі мен ұшу сынақтарының басталуын 2-3 жылға кешігуіне әкеліп соқтырады. АҰҚК ұшу сынақтары 2029-2030 жылдары басталады деп күтіліп отыр», - делінген Роскосмостың 2016-2025 жылдардағы Федералдық ғарыш бағдарламасы жобасының таныстырылымында.
Пікір қалдырыңыз
Пікір қалдыру тіркелген пайдаланушылар ғана мүмкін