Роза Әлқожа ұтыс ойынын өткізген Ернар Айдар "ағаларының арқасында" жазадан құтылып кеткенін айтты

Бұл туралы әнші Azatyyq ruhy-на берген сұхбатында айтты, — деп хабарлайды Caravan.kz медиа порталы.

"Өткен жылы басымнан өткен оқиғаны есіме көп ала бермеймін. Дегенмен, халыққа түсінікті болу үшін айта кетсем, сіз сұрап тұрған дауға қатысты маған полиция хабарласпады және ешқандай да қылмыстық жауапкершілікке тартылмадым. Ол жерде мен ешқандай инвестицияға жауап бермеймін, тек ұтыс ойынына жауапты болдым. Мұны көпшілік дұрыс түсінбеді. Қылмыстық жауапкершілікке мен тартылмадым, қылмыстық жауапкершілікке тартатын болса карантин кезінде ұтыс ойынын ойнатқан Ернар Айдар тартылуы керек еді. Оны ағалары барып шығарып алды да, мені жауапкершілікке тартпақшы болды", — деді Роза Әлқожа.