Жарияланды: 710

"Сәлеметсіз, артыңызға қалай кірсем, болады"- деп жүрген әрбіріңіз!: Заңгер жемқор жүйені оңдырмай сынады

"Сәлеметсіз, артыңызға қалай кірсем, болады"- деп жүрген әрбіріңіз!: Заңгер жемқор жүйені оңдырмай сынады

Ащы пікірін ашық айтуымен танылған заңгер Айгүл Орынбек елдегі жағымпаздықты тағы да сынға алды.

Бұл туралы ол әлеуметтік желіге жазды, деп хабарлайды Caravan.kz медиа-порталы.

Дәрігерлер мен мұғалімдер халыққа өкпелеудің қажеті жоқ!

Араларыңызда бір адам шындықты айтса, коллектив болып жабылып, бастықтарыңа жағымпазданып сол шындық айтқан адамның түбіне жететін едіңдер!
Мысалы ретінде кешегі Меркідегі дәрігерді алсам болады.
Өздерің жағымпазданып жасап алған жүйенің нәтижесін көріңдер енді!
"Бізді бай бағландар,шенеуніктер сыйламайды, солардың шет елге демалып келгені бізге міндеттей"-деп жыламаяқ қойыңыздар!
Соларды солай тайраңдатып қойған, мына өздеріңіз!
"Сәлеметсіз,артыңызға қалай кірсем,болады"- деп жүрген әрбіріңіз! Өз азаматтық ұстанымы жоқ, жемқорлықпен күресе алмайтын қорқақ жағымпаз сатқындардың арқасында осылай болып отыр.
Мен көшеге митингке шық демеймін! Саған қызмет етуге келген басшының артына жағымпазданып кіре бермей, заңды түрде коллектив болып өздеріңе тиесілі дүниелерді осы уақытқа дейін сұрағанда, қәзір мәртебелерің биік болатын еді!
Ал енді келіп елдің басына күн туғанда, бәрің жүйенің былығын көріп қалыпсыңдар! Бұл жемқорлық,бұл былық биыл ғана пайда болған жоқ!
Бұл өздерің қолдан жасаған жүйе!
Президент ауысу керек дейсіңдер ме? Мың президент ауысып келсе де, халық өзі өзгермей, жүйе өзгермейді!
Жағымпаздық, сатқындық, артқа кіру,өз қарабасын ойлау бұл жемқорлықты қолдау, қолдан жасау болып табылады!
Яғни өз азаматтық пікірін айта алмай жүрген әрбіріңіз ойланыңыздар, мемлекет бір адамнан құралмайды. Мемлекеттің осындай жағдайға жеткеніне әрбіріміз кінәліміз!
Жемқор басшының қылмысын жасырып отыра беретін болсаңдар, осылай сорлы болып жүргендерің жүрген!
Президентіміз мүмкіндік беріп отыр.
"Біз естуші мемлекетпіз"- деп, сен өз ойыңды ашық айтушы азамат бол!
Сол кезде ғана батпаққа батып бара жатқан елді құтқарып қаламыз!

Пікір қалдырыңыз

Пікір қалдыру тіркелген пайдаланушылар ғана мүмкін