Жарияланды: 520

Семей кәсіпорындарында еңбек заңын бұзуға қатысты 300-ден астам дерек әшкереленді

Семейдегі 4 мың кәсіпорынға жүргізілген кешенді тексеру қорытындысы бойынша 300-ден астам еңбек заңын бұзу оқиғалары әшкереленді. Бұл жөнінде "Еңбек қорғау туралы" заңға түсініктеме беру жиналысында Шығыс Қазақстан облыстық еңбек департаментінің бас инспекторы Игорь Замятин хабарлады.

Заң талаптарын бұзу оқиғалары көбінесе еңбек шартын жасауға байланысты болып отыр. И.Замятиннің айтуынша, заңды белден баса жасалған келісім-шарттары көп жағдайда жұмысшыны қорғаусыз қалдырады. Атап айтсақ, ол қаладағы бірнеше кәсіпорында қызметкерлерге алдын-ала ескерту берместен жұмыстан шығаруға жол беру оқиғаларын мысалға келтірді. Шартта осындай жағдай алдын-ала ескерілмегендіктен, оны түзету мүмкін болмай қалған. И.Замятиннің айтуынша, еңбек заңын бұзу оқиғаларына негізінен жұмысшылардың заңдық сауатсыздығы себепкер болуда. Қаладағы кәсіпорындар мен ұйымдардың басшылары қатысқан кеңес барысында еңбек департаментінің инспекторы оларды өз тарапынан еңбек заңын бұзбауға шақырумен бірге жер-жерде өз жұмысшылары арасында түсініктеме жұмыстарын ұйымдастыруға шақырды.

Пікір қалдырыңыз

Пікір қалдыру тіркелген пайдаланушылар ғана мүмкін