Жарияланды: 60

Семей мен Өскемен мектептерінде бүгін сабақ тоқтатылды

Семей мен Өскемен мектептерінде бүгін сабақ тоқтатылды

Көктемнің аяқталар шағында Семей мен Өскеменде қар жауып, күн күрт суытты

Семей және Өскемен қалаларында бірінші ауысымдағы 1-шіден бастап 9-сыныпқа дейінгі оқушылар сабақтан босатылды, деп хабарлайды Sputnik Қазақстан.

Бұл туралы облыстық білім басқармасына сілтеме жасап Шығыс Қазақстан облысы төтенше жағдайлар департаменті мәлімет берген.

"Білім басқармасының қаулысымен ауа-райы қолайсыздығына байланысты Семей және Өскемен қалаларында бірінші ауысымда оқитын 1-9 сыныптардың оқушылары сабақтан босатылды", - деп хабарлайды облыстық төтенше жағдайлар қызметі.

Семей мен Өскемендегі ауа райы

Қазгидрометтің хабарлауынша, бүгін кешкісін Семейде сынап бағанасы -5, ал түнде -7, ал Өскеменде -3 градусқа дейін төмендеп, қар жауып, күн суытады. Ал күндізгі ауа-райы температурасы Семейде +3, Өскеменде +4 градусты көрсетіп тұр.

Ал әлеуметтік желіде қала тұрғындарының бөліскен суреттері мен видеосынан қарды, көктайғақты, тұманды байқауға болады.

"18 сәуір. Семей- Курчатов. Боран. Ертіс өзені, түк көрінбейді", - делінген бір видеоның астындағы жазбада.


 

Пікір қалдырыңыз

Пікір қалдыру тіркелген пайдаланушылар ғана мүмкін