Будақтап, көкке көтерілген қара түтін қаланың барлық бұрышынан көрініп тұрды. Мың жарым шаршы метрді шарпыған өртті сөндіруге 15 техника жұмылдырылды. Соның өзінде оны 3 сағатта әрең ауыздықтаған. Шатырдан шыққан от көрші кәсіпорынға да тие жаздапты. Ондағы пластикалық шикізаттардың біраз бөлігі балқып кеткен. Адамдар жапа шеккен жоқ. Әзірге қызыл жалынның неден тұтанғаны белгісіз. Қасақана от қойылуы мүмкін деген болжам да қаралып жатыр.