Сенат тауар импорты кезінде ішкі рынокты қорғау туралы заңға енгізілетін түзетулерді толықтыру үшін мәжіліске қайтарды

Бүгін, 7-сәуірде өткен сенаттың жалпы отырысында депутаттар "Тауар импорты кезінде ішкі рынокты қорғау шаралары туралы" заңға өзгерістер мен толықтырулар енгізу туралы" заң жобасына өз түзетулерін енгізіп мәжіліске қайтарды,- деп хабарлайды KZ-today тілшісі.

Палата отырысында депутат Бақберген Досманбетовтың берген түсініктемесіне сәйкес, сенаттың түзетулері нақтылау сипатында. Сонымен бірге депутаттар заң жобасынан «депозиттік есепшот» деген ұғымды алып тастауды ұсынады. Б.Досманбетовтың айтуынша, бұл ұғымның анықтамасы Бюджеттік кодексте берілген. Жалпы алғанда түзетулердің салыстырмалы кестесіне 8 мәселе енгізілген.