Жарияланды: 5000

Шанағының асты аттың басынан жасалған домбыра ғаламторды кезіп жүр

Шанағының асты аттың басынан жасалған домбыра ғаламторды кезіп жүр

Жылқының басынан жасалған домбыра туралы телебағдарламадан үзінді ғаламторға былтыр салынған екен. Бірақ әлеуметтік желінің қолданушылары оны әлі күнге дейін бөлісіп жатыр.

Бұл туралы Caravan.kz тілшісі хабарлады.

Сөз саптауларына қарағанда, бұл Қытайдағы қазақ телевизиясының бағдарламасына ұқсайды. Онда жүргізуші ауыл ақсақалы түрлі материалдардан жасалған домбыралар мен басқа да музыкалық аспаптарды таныстырады. Олардың ішінде, әрине, домбыра ерекше. Бағдарламада шанағының асты жылқының басынан жасалған домбыраға айрықша тоқталып өтеді.

«Жасым алпысқа келсе де, осыны ұрпақтың кәдесіне жарасын деп жасадым. Мұндай домбыраның қазақта бұрындары болғанын естідім. Ата-бабаларымыз соғым сойса, малдың басын ағашқа, жарға, тасқа іліп қоятын. Ал кейін одан түрлі бұйымдар жасаған» дейді ақсақал.

Сондай-ақ, ол қолындағы аспаптың әрі домбыра, әрі қылқобыз екенін айтады. Ішегі жуан болса қобызға, ал жіңішке болса домбыраға айналады екен. Қария жұртқа жылқының жауырынын қолданып жасаған домбыраны да таныстырған.

Пікір қалдырыңыз

Пікір қалдыру тіркелген пайдаланушылар ғана мүмкін