Бұл туралы бүгін ҚР Президенті жанындағы Орталық коммуникациялар қызметінде өткен брифингте «Зенченко және компания» коммандиттік серіктестігінің бас директоры Геннадий Зенченко айтты.
«Президент атап өткендей, шағын және орта бизнеске баса назар аударуымыз қажет. Қазір шаруаларға несие бөлу мәселесі көтеріліп жатқаны белгілі. Менің ойымша, шаруаларға несие емес, пайызсыз тауарлық несие берген дұрыс. Мәселен, Солтүстік Қазақстан облысында малы бар 82 мың үй бар. Оның әрқайсысына 3 сиырдан беретін болса, онда шамамен 240 мың асыл тұқымды мал алар едік», — деді Г.Зенченко.