Бұл туралы облыс әкімдігінің ақпараттық орталығынан хабарлады.
Іс-шара Өскемен қаласының Сол жағалау мұражай кешенінде орналасқан киіз үйде өтті. Жүздесу аймақтың зиялы қауым өкілдері, жоғары оқу орындарының ректорлары, ақсақалдар, ардагерлер және мәдениет пен өнер саласының қайраткерлерінің қатысуымен өтті. Шара барысында бірқатар мәдениет қайраткерлері марапатталды.
ТМД Парламентаралық ассамблея кеңесінің «Мәдениет және өнердің дамуына қосқан үлесі үшін» белгісімен облыстық архитектура-этнографиялық және табиғи ландшафты мұражай-қорығының директоры Николай Зайцев марапатталды.
Өңірдің әр түрлі аудандарынан 16 адам ҚР Мәдениет министрлігінің «Мәдениет саласының үздігі» төсбелгісіне ие болды. Олардың арасында аудандық мәдениет үйінің директорлары, музыканттар, музыкалық мектептің ұстаздары, әншілер мен режиссерлер бар.
Сондай-ақ мәдениет пен өнердің дамуына үлес қосқаны үшін әр түрлі аталымдар бойынша 11 адамға облыс әкімінің сыйақысы берілді.
Іс-шара аясында қатысушыларға арнап Сол жағалау кешенінде экскурси