Толассыз жауған жаңбырдан Бұқтырма өзенінің деңгейі екі метрге дейін көтерілген. Ағын су Катонқарағай ауданында орналасқан бірнеше демалыс орнына апаратын жолдар мен көпірлерді шайып кетті. Қарасудың қамауында қалған демалушылар болса төтенше жағдайлар қызметінің арнайы тікұшағымен қауіпсіз жерге көшірілген. Ал Бұқтырманың өзінде су деңгейі қазір қайта түсе бастапты.