«Орталық сайлау комиссиясының күнтізбелік жоспарына сәйкес ҚР Парламенті Сенатына депутаттарды сайлау үшін жұмыстар жүргізілуде. Қазіргі таңда кандидаттарды ұсыну жұмыстары аяқталды. Барлығы 4 үміткер болды, олардың 3-уі өзін-өзі ұсынса, Плотников Сергей Викторовичті төрт ауданның мәслихаты ұсынды», — деді облыстық сайлау комиссиясы төрағасының орынбасары Александр Рукин.
Оның айтуынша, үміткерлер қолдауға ие болу үшін қол жинаған.
«Бүгінде үш үміткер — Сергей Плотников, Виктор Кутовой және Александр Тимошенко тіркелді. Олардың барлығы тіркеу үшін қажетті құжаттарды толығымен ұсынды. Ал төртінші кандидат әзірге қол жинап жатыр», — деп түсіндірді ол.
Естеріңізге сала кетейік, Сергей Плотников — қазіргі кезде ҚР Парламенті Сенатының депутаты. Ал Виктор Кутовой мен Александр Тимошенко ірі кәсіпорындардың директоры.
Қазіргі таңда кандидаттар 12 қыркүйекте басталатын үгіт-насихат науқанына дайындалу үшін тіркеуге қажетті құжаттарын жинастыруды аяқтап, бағдарламалары мен насихаттық материалдарын әзірлеуде, деп хабарлайды strategy2050.kz.