«Балапан» мемлекеттік бағдарламасы Президент Н.Назарбаевтың тікелей тапсырмасымен 2010 жылы 28 мамырда жүзеге асырыла бастады. 8 мың халқы бар ауылда жаңа балабақша ғимаратының құрылысы үстіміздегі жылдың 15 маусымында басталды. Екі қабатты ғимарат 250 орынға есептеліп отыр. Оның 4 корпусы балаларға лайықтап жасалса, бесіншісінде әкімшілік-шаруашылық бөлім орналаспақ.
Аудан әкімі аппараты таратқан хабарламаға қарағанда, бұл балабақшаны үлкеннарындықтар жиырма жыл тосқан.
«Типтік жобаның алдын-ала жасалған сметалық құны — 515 млн. теңге, қаржы республикалық бюджеттен бөлінеді. Нысанның мердігерлік ұйымы — Нығмет Шаухин басқаратын «Нарын» МКК. Бүгінгі күні бұрынғы аудандық емхананың және қосқабатты үйлердің қираған ғимараттарының орнында тегістеу жұмыстары жүргізілуде», — делінген хабарламада.
Бүлдіршіндер жаңа балабақшаның табалдырығын 2012 жылы аттамақ.
