Жарияланды: 230

Шығыс Қазақстан облысында полицейлер велосипедпен жүретін болды

Шығыс Қазақстан облысында полицейлер велосипедпен жүретін болды

Өскеменде жергілікті полицияның ондаған қызметкері қоғамды велосипедшілер мәселесіне жұмылдыру мақсатында екі доңғалақты көлікке ауысты, деп хабарлайды «ҚазАқпарат» ХАА тілшісі.

«Жаз басталғалы қала көшелеріне экологиялық транспорттың әуесқойлары шыға бастайды. Сондықтан, біз де автомобиль жүргізушілерін велосипедшілерге түсіністікпен қарауға шақыру үшін және жол жүру ережелерін бұзбауы үшін қызметкерлерімізді екі дөңгелекті көлікке отырғыздық, - деді ШҚО ІІД әкімшілік полиция басқармасының бас инспекторы Ақгүл Атудинова. - Осы айда Өскемен қаласында велосипедшіге қатысты бір ғана жол-көлік апаты тіркелді, алайда оларға қатысты түсіп жатқан шағымдар көп».

Полиция қызметкерлері велосипедпен қалай қозғалу керектігін, бұрылу кезінде қалған жолдағыларға қалай көрсету керектігін, жаяу жүргіншілер жолағынан қалай өту керектігін және тағы басқаларды өздері көрсетті.

Сондай-ақ, тәртіп сақшылары олар 14 жасқа дейінгі балаларға жолға шығуға тыйым салынатындығын, 7 жасқа дейінгі балаларды арнайы жабдықталған орындықпен алып жүру керектігін көпшіліктің есіне салды.   


 

Пікір қалдырыңыз

Пікір қалдыру тіркелген пайдаланушылар ғана мүмкін