Жарияланды: 30

Шымкентте жүргізуші екі оқушы қызды қағып кетті

Шымкентте жүргізуші екі оқушы қызды қағып кетті

Шымкентте жеңіл көлік жаяу жүргіншілер жолына шығып кетіп, апалы-сіңлілі оқушыны қағып кетті.

Бұл туралы Caravan.kz медиа-порталы Tengrinews.kz-қа сілтеме жасап хабарлайды.

Оқиға 5 мамырда таңертең әл-Фараби көшесіндегі №6 емхананың алдында болған.

"Жедел қоңырау" бағдарламасы тілшісінің мәліметінше, Hyundai көлігін мінген әйел басқа көлікпен соқтығысудан қашпақ болып, тізгінге ие бола алмай жаяу жүргіншілер жолағына шығып кеткен. Осы кезде екі оқушы қыз көше қиылысында бағдаршамның жануын күтіп тұрған.

Көлік қыздарды қағып, кейін бағанаға соғылған. Бастауыш сынып оқитын апалы-сіңілі қыз түрлі дене жарақаттарымен Асар шағынауданындағы балалар ауруханасына жатқызылған.

Дерекке қатысты жүргізушіге ӘҚБтК-нің 610-бабы 2-бөлігі "Жәбірленушінің денсаулығына жеңіл зиян келтіруге әкеп соққан жол қозғалысы ережелерін бұзу" бойынша хаттама толтырылған. Екі көлік те уақытша айып тұрағына қойылды.

 

Пікір қалдырыңыз

Пікір қалдыру тіркелген пайдаланушылар ғана мүмкін