Сыртқы істер министрі Мұхтар Тілеуберді АҚШ мемлекеттік хатшысы Энтони Блинкеннің Қазақстанға сапары туралы америкалық тараптан растау күтетінін айтты, — деп хабарлайды Caravan.kz медиа порталы Tengrinews.kz-ке сілтеме жасап.
"Біз ресми растауды күтіп отырмыз. Хабар болғанда жариялаймыз. Америка тарапынан ресми растауды күтеміз", — деді Тілеуберді үкімет отырысында журналистің сұрағына жауап беріп.
Бұған дейін БАҚ Астанада С5+1 форматындағы министрлердің жыл сайынғы кездесуі өтетінін, оған қатысу үшін Қазақстанға АҚШ Мемлекеттік хатшысы Энтони Блинкен келеді деп хабарлаған болатын.