Солтүстік Қазақстан облысында газдар қоспасының жарылуы салдарынан үш адам зардап шекті

Сейсенбі күні Солтүстік Қазақстан облысы Тайынша ауданы Ильичевка ауылында "Баско" ЖШС-не қарасты құс фабрикасының бу қазандығы ғимаратындағы әрлеу- бояу жұмыстары барысында газдар қоспасының жарылуы салдарынан үш құрылысшы зардап шекті. Бұл туралы KZ-today тілшісіне Солтүстік Қазақстан облыстық төтенше жағдайлар жөніндегі басқармасының баспасөз қызметінен хабарлады.

Баспасөз қызметінің ақпаратына сәйкес, 2-ші және 3-ші дәрежелі ауыр күйікке шалдыққан екі адам Көкшетау ауруханасына жөнелтілді. Зардап шеккен үш адам да Степногорск тұрғындары.

Алдын-ала жорамал бойынша, жарылысқа техникалық қауіпсіздік және өрт қауіпсіздігі талаптарына бағынбау түрткі болған. Аталмыш дерек бойынша тергеу амалдары жүргізілуде.