Фестиваль көрермендері үшін арнайы автобустар қатынайтын болады. Жиналатын орындар: Абай даңғылы, 44 Балуан Шолақ атындағы Спорт сарайының жаны және Достық даңғылы,Құрманғазы көшесінің бұрышы. Жолаушылар көліктері сағат 17:00-ден 18:30-ға дейін жүреді. «Медеу» биік мұз айдынан рейстер сағат 22:00-ден бастап қайтады. Жолақысы -150 теңге.
Ұйымдастырушылар «Медеу» мұз айдынына жеке автомобильдер қозғалысына шектеу қойылатынын ескертеді, фестиваль күндері жеке көліктер тұрағы бір есе ғана көбейеді.
Айта кетерлігі, биік тау шатқалында температура қаладағыдан едәуір төмен. Сондықтан сыртқы киімдерді (ветровкалар, күртешелер), жамылғыны бірге алған жөн.
Еске салсақ, фестиваль билеттері starofasia.kz, kassir.kz, zakazbiletov.kz сайттарында,Меломан мен Республика Сарайы кассалар жүйсінде сатылады. Толық ақпаратты @starofasia2018 және www.starofasia.kz. порталынан алуға болады.