Суданда 16 мың қой алып бара жатқан кеме суға батып кетті

Бұл туралы Caravan.kz медиа-порталы Tengrinews.kz-қа сілтеме жасап хабарлайды.

Басылым мәліметінше, кеме шамадан тыс ауыр салмақты көтере алмағандықтан суға батқан. Апат кезінде бортта 15 800 бас қой болған. Ал кеменің қуаты мұндай салмаққа есептелмеген, тек 9 мың бас малды тасымалдай алады.

Жергілікті бұқаралық ақпарат құралдарының кейбірінің есебі бойынша, малдан келген шығын — 4 миллион доллар.

Суакин айлағы Суданның солтүстік-шығысында, Қызыл теңіздің жағасында орналасқан. Бұрын ол Қызыл теңіз жағалауында орналасқан, осы өңірдегі ең басты айлақ болатын. Қазір ол солтүстікке қарай 60 шақырым қашықта орналасқан Судан айлағынан кейін екінші маңыздағы порт.