Жақында ғана Айсәуле Бақытбектің ұзату тойында театрдың екі майталманы би алаңын ешкімге бермеген, деп жазады Stan.kz.
— Тойдың гүлі өзім болдым. Той менікі болды, сосын Азаматтікі болды, — дейді Иманбаева 31 арнаның "Айта берсін" бағдарламасында.
Осы тойға журналистердің шақырылмағаны жақсы болған, деп есептейді Иманбаева. Актриса құрбысының қуанышында емін-еркін билеп, ортаны бермегенін айтады.
"Енді Құдай-ау өзіміздің тойда билемеген соң қайда билейміз? Өткенде Ақботаның тойында да солай биледік. Бірақ сол жерде отырған апаларымыз, Толқын апамның өзі сұрағанда таңғалдым. — Айгүл, Азамат екеуіңде бәрі жақсы ма? — деген сияқты.
Құдай-ау, қалай айтсам екен, жалпақ тілмен айтқанда сүйісіп те көрмедік деппін ғой. Шынымен неге барлық нәрсені жамандыққа балау керек? Әдемі достыққа, туысқандыққа ұласқан дүние. Азаматтың келіншегімен де, өзімен де… Екеуміз бір-бірімізді көрген кезде шүйіркелесе қалатын әдетіміз. Сырт көзге басқаша образ беріпті енді", — дейді Айгүл күліп.
